സ്രാവ്‌ വലക്കാരുടെ പിടിയിലായി.സ്വന്തം ലേഖകന്‍തലശ്ശേരി: രണ്ടര ടണ്‍ തൂക്കം വരുന്ന പുള്ള്യന്‍ സ്രാവ്‌ വലക്കാരുടെ പിടിയിലായി. ചാലില്‍ ഗുരുക്കള്‍ വീട്ടില്‍ ഷംസുദ്ദീന്റെ ഉടമസ്ഥതയിലുള്ള `തൊഴിലാളി' തോണിയില്‍ തലശ്ശേരി കടലില്‍ മല്‍സ്യബന്ധനത്തിന്‌ പോയ മൂന്നുപേരാണ്‌ ഒഴുക്കുവലയില്‍ സ്രാവിനെ പിടികൂടിയത്‌. തലശ്ശേരി കടലില്‍ ഇതാദ്യമായാണ്‌ ഇത്രയും തൂക്കമുള്ള സ്രാവിനെ പിടികൂടുന്നത്‌. വിവരമറിഞ്ഞ്‌ സ്രാവിനെ കാണാന്‍ കടപ്പുറത്ത്‌ ആളുകള്‍ തടിച്ചുകൂടി.മല്‍സ്യബന്ധന തൊഴിലാളികളായ പി.പി. അലി, മണി മമ്മദ്‌, കോഴിക്കോട്‌ മമ്മദ്‌ എന്നിവരാണ്‌ സാഹസികമായി പുള്ള്യന്‍ സ്രാവിനെ വലയിലാക്കിയത്‌. ഇന്നലെ പുലര്‍ച്ചെ അഞ്ച്‌ മണിയോടെയാണ്‌ സ്രാവിനെ കരക്കെത്തിച്ചത്‌. തലശ്ശേരിയിലെ മൊത്ത ഉണക്ക മല്‍സ്യ വ്യാപാരി സി.എം. അലി ഹാജി സ്രാവിനെ കച്ചവടമാക്കി. കൂറ്റന്‍ സ്രാവുകള്‍ വലയിലകപ്പെടാറുണ്ടെങ്കിലും ചിലത്‌ തന്ത്രപൂര്‍വ്വം രക്ഷപ്പെടുകയാണ്‌ പതിവ്‌
No comments:
Post a Comment